Hey, iar liaba Fan`s vo da Schnuderbeerischniffer und dr Fasnacht Chur. Die närrisch-härrlicha Täg kömmend immer nöcher und miar freuend üs, mit eu Fasnacht fiira ts törfa.

Abr hintr dr Fasnacht schtönt nit nur luschtigi Täg und as gmüatlichs zemmasi. Nai, drmit das au ts schtand kunnt, bruchts viel Vorbereitig und nome inveschtiarti Schtunda vo da Kliggana, Guggana und vorallem au vo dr Fasnachtsvereinigung Chur.

Darum möchtend miar eu bitta, üs alli nit nur am Umzug mit eurer Freud und eurem Lob (guat, miar sind halt au dia Beschta) ts Unterschtütza, sondern au Fasnachtsvereinigung, alli andra Kliggana mit irna schöna Wäga und Guggamusika vo do bis ganz wit wäg.

Miar würend üs freua, wenn ma möglichscht viel Zuaschauer und Zuaschauerinna und Fasnaächtler mitra Plaketta gseh würend. Unterschtützend üs alli, in dämm as iar eini vo dänna lässiga Plaketta ab 5 Fr. kaufend.

So hälfend iar mit, dass Fasnacht jedes Johr as Superfescht wird :-)

Viela Dank

El Presidente